मुक्तक

मुक्तक 


जनता`नै दोषी देख्छु, नेता दोषी है`न भन्छु  
जनतालाई बाँध्ने कानुन हाम्रो देशमा छैन भन्छु!!

बिद्रोहमा त्याग गरेँ, र त तिम्ले नेता चुन्यौ!

तिम्रै कारण नेता भएँ, म आफै त भै`न भन्छु!! 

गेडी

गेडी 
                                 नवीन लामा `सुरेश` 

आउँदैछु गाउँमा प्रवास त्यो छोडेर

खुशीहरु साथैमा मनभरी गोडेर//

थाकिन

गाउँघर भुल्न सकिनँ//

गीत

 गीत 

                                नवीन लामा `सुरेश`

मलाई गर्ने माया तिम्ले आज अन्तै सार्यौ किन ?

मेरो सामु झार्ने आँशु आज अन्तै झार्यौ किन ?

मेरो माया तिम्रै लागी थियो जुनी भरिलाई

हुन्थे म`त सँधै तयार तिम्रो लागी मर्नलाई//

चोखो हाम्रो नाता थियो आज फाटो पार्यौ किन ?

मेरो सामु झार्ने आँशु आज अन्तै झार्यौ किन ?

गीत

                                          नवीन लामा `सुरेश` 
यौटै थियो तिम्रो मेरो मायाँ गर्ने मन 
के कुराले चोट पार्यो तिम्रो दिलमा भन !!

  

मेरो हाँसो तिमी थियौ मेरो आँशु तिमी
पीडा सबै भुल्थेँ मैले साथ हुँदा तिमी 
यौटै थियो चोट लाग्दा दुख्ने हाम्रो तन 
के कुराले चोट पार्यो तिम्रो दिलमा भन !!

कविता

खेमा

                                                                               नवीन लामा `सुरेश` 

छरपष्ट आशाका किरणहरु 

सौन्दर्य बनेको क्याक्टस 

त्यो मरुभुमिको हेर्दै लोभ लाग्दो 

हावाको बेग सँग छचल्किएको त्यो मरुभुमीय मोती 

रेतहरु!

आहा! जिउनुको मजा यहाँ जस्तो कहाँ होला ? 

कुन त्यस्तो शहर होला ? 

अनी कस्तो अजिब रहर होला ? 

जिउने अनि जीवन देखाउने ?

एक झोक्का समुन्द्री हावाले 

पछारेको चिसो बतास जस्तै अदभुत तृष्णाहरु 

उज्यालो त्यो उँटबस्तीहरु लहरै लागेका जिन्दगीहरु 

रेतको घुम्टो ओढी लजाएको क्षितिज 

यौवनका अन्तरिम रहरहरु !!

गजल

 Ghazal

                                       नवीन लामा `सुरेश` 

शुन्य शुन्य रङ्गमंच एक्लै नाँच्न मन लाग्यो 

आफ्नै त हो पीर ब्यथा सबै साँच्न मन लाग्यो !!

धर्ती छाडी आकाशमा उड्ने मेरो रहर थियो

धुलो संगै प्रीत बस्यो रहर मास्न मन लाग्यो !!

कविता

स्थायित्वका अबोध गोरेटाहरु

                                                               नवीन लामा `सुरेश`

चिहाएर क्षितिजमा 

देखिन्छ कि नौलो बिहानी भनेर

हेर्दैछु म !

धमिलो यौटा तारा चम्किने प्रयत्न गर्दै

उदाएको छ त्यो निलो आकाशमा,

तेतिकैमा यौटा झलमल्ल लामपुछ्रे

उस्को त्यो प्रयत्नको बिरोधी भएको

आभास गर्दैछु !

कविता

रोष,अभिब्यक्ती !!! 

                                                             नवीन लामा `सुरेश` 

यस्तो लाग्छ 

उँधो बग्ने खोलाहरु उँभो बग्दैछ, 

जूनकिरीको शहरमा पनि 

अन्धकारले घेरा हालिसकेछ, 

अँधेरोमा लम्किएको आफ्नै पाइलाहरु पनि 

उजेलीको साथ नपाउँदै 

थाकेको महसुस हुन्छ,

किन किन यस्तो लाग्दैछ अचेल 

समय आफुलाई ठग्दैछ !!

कविता

दमनको पराकाष्टामा  नीरिह  कलम!!

                                                                    नवीन लामा `सुरेश` 

लेख्दैछस् ?

लेखीबस्!! 

अरु के नै गर्न सक्छस् र ? 

तेरो स्याही नसकुञ्जेल लेख 

हुनेवाला केहि होईन आखिर ।

हिम्मत राखेर लेख 

तेरो बिरोधमा धेरै हातहरु उठ्दैछन् 

तँलाई थुचुक्क बसाउँछन् हेर्दै जा ।

गीत

गीत

                                         

                                   नवीन लामा `सुरेश`

डुबीजाने घाम रहिछौ, सुकीजाने मुल तिमी 

झझल्कोमा सँधै आउने,रहिछौ मिठो भुल तिमी!! 

के भरोसा रह्यो अब, मुहान सुकी गए पछी 

रित्तो भएँ खाली-खाली, आँशु लुटी लगे पछी 

तिम्रै लागि रोइ दिएँ, आँशुको मूल सुक्यो मेरो 

अनायसै चस्किएर , निर्दोष मुटु दुख्यो मेरो!! 

सपनी मै रहेछु म`त, निंद टुट्यो चाल पाएँ 

बिना कारण चोट पाउने, किन यस्तो प्रीत लाएँ ? 

भबिस्यलाई हेर्दा-हेर्दै, बर्तमान नै चुक्यो मेरो 

अनायसै चस्किएर  , निर्दोष  मुटु दुख्यो मेरो!!

डुबीजाने घाम रहिछौ, सुकीजाने मुल तिमी 

झझल्कोमा सँधै आउने,रहिछौ मिठो भुल तिमी!! 

पृथ्वीनगर १ झापा नेपाल 

"चम्किलो प्रतिबिम्ब" गाइजात्रे झटारो

  "चम्किलो प्रतिबिम्ब"  

                                                            नवीन लामा `सुरेश`  

पहराको आँशु छहरा बनी झर्ने मेरो देशको बयान म के गरुँ ? 

आँशु सबै समेटेर आफ्नै काखमा राख्ने तालको बयान म के गरुँ ?

नाताबाद र कृपाबादको खास्टो ओढाएर 

ढकमक्क फूल फूलाउने मालीको बयान म के गरुँ ?

हे प्रभु हे ईश्वर रक्षा गर है तिमीले नियतीको कालो बादल मडारिँदैछ

जन्म जातै मुर्ती बनेर बाँचेको तिमी के रक्षा गर्छौ होला र ?

मुर्ती र तस्बिरमा आफ्नो अस्तित्व खोज्दै भौतारी रहेका छौ 

बेबस अबलाको अस्तित्व के बचाउँछौ होला र ?

आफ्नै अस्तित्वको टुङ्गो नभाको तिमी र तिम्रो बयान म के गरुँ ?

धर्तीमा आफ्नो स्थान नभएको मुलाले आकाशमा उड्ने सपना देख्नु 

अनी बिचारा ति संबिधान कुन किसिमको धान हो 

भन्ने थाहा नभएका सभासदले हाम्रो देशको संबिधान लेख्नु 

भनेको जूनकिरीको पिल पिल प्रकाशमा मोती खोजे झै हो । 

बिच सडक सभा हल दिन दहाडै भकुर्याइ खाने 

महान हस्तीहरुको बयान म के गरुँ ?

बालुवामा सुन खोजे जस्तो कहाँ गाह्रो रैछ र 

घर घरमै भेटिने सभासदहरु 

मनकामनामा बोकाको बली भन्छन् 

सत्ताको धारमा रेटिने जनताहरु! 

"एउटै गोठका भेडा" हाम्रो नेपालको जनताहरु

अब त्यो गोठ मालिकको बयान म के गरुँ ?

अब त मलाई पनि प्रधानमन्त्री बन्ने इच्छा लाग्दैछ 

छन् कोही आँटी बाबुका खाटी छोरा 

हान्देओ न हो मलाई पनि एक दुइ झापड गालामा 

पुरानाहरुले केहि गर्न सकेनन् अनि हेर्नुस् बिकास मेरो पालामा!

दिन दुगुना रात चौगुना देशको बिकास म गर्नेछु 

झट्टै फलिफाप होस् सराप नलागोस् !! अब आफ्नै बयान म के गरुँ ?

"पृथ्वीनगर १ झापा नेपाल"  

गीत (उन्को प्राण फिर्छ भनी आफ्नो श्वास रोकी हेरेँ )

गीत 

                                      By Nabin lama

उन्को प्राण फिर्छ भनी आफ्नो श्वास रोकी हेरेँ

कतै छु कि सपनीमा आफ्नै औँला टोकी हेरेँ !!

न`त रुन सकेँ मैले न`त बिदा गर्न उनलाई 

बिर्सीदियो दैवले`नी मैले गर्या सबै गुनलाई 

भूल हो कि नजरको आँखा पनि छोपी हेरेँ

कतै छु कि सपनीमा आफ्नै औँला टोकी हेरेँ !!

केवल उन्को याद मात्र साथी बन्यो जिन्दगीको

बाध्यता नै बाँच्नु पर्ने आधार बन्यो जिन्दगीको

प्यासी बनी तिर्सनाले सिरानीमा छामी हेरेँ

कतै छु कि सपनीमा आफ्नै औँला टोकी हेरेँ !!

उन्को प्राण फिर्छ भनी आफ्नो श्वास रोकी हेरेँ

कतै छु कि सपनीमा आफ्नै औँला टोकी हेरेँ !!

पृथ्वीनगर १ झापा नेपाल

गजल

अनायसै आज आँशु छुपाएर रुँदैछु म
मनको कुरा मन भित्रै लुकाएर रुँदैछु म!!


हरेक प्रहर हर समय तिम्रो याद आइदिँदा
नदुखेको मन पनि दुखाएर रुँदैछु म!!


हारी आज आफै देखि टाढा हुन चाहन्न थे
आज फेरि पुरानो घाउ बल्झाएर रुँदैछु म!!